Archives de la Cote d’Or, B 1611

[f. 85]

Esquelz voyaiges Il a tresgrandement fraie et / Despendu Du sien oultre et par dessus trois frans par / Jour monnoye courant qui lui a este tauxe et paye pour cause / De la chierte des vivres estans es lieux et pays et ou temps / ou IL a faiz lesdiz voyaiges pour occasion de la feiblesse des / monnoyes et autrement. Et aussi quil a perdu ung courcier / qui lui morut en lun desdiz voiaiges qui fit oudit pays / de savoye ou estoient le Sire de thoulonjon et le bailli de / Dijon lequel courcier valoit plus de Cent escuz dor Pour ce / paye A lui par vertu desdictes lettres de madicte dame / Donnees a auxonne le viiie Jour daoust lan mil CCCC vint et / ung Et en recompensacion des choses dessusdictes Et pour / tout ce quil pourroit demander A madicte dame et a mondit seigneur / A cause desdiz voyaiges Et pour tous autres par lui faiz / Depuis ledit trespassement de feu mondit seigneur Jusques audit / xviiie Jour daoust et quictance dudit messire Jaques tout cy rendue

A Jehan de Blaisy escuier de severie de monseigneur le duc / de Bourgoingne La Somme de quatre vins frans A lui paiee / baillee et delivree par le commandement et ordonnance de ma / dicte dame pour ung voyaige par lui fait des la ville dozier / ou estoit mondit seigneur jusque ou pays de Bourgoingne pour / avencier et haster les gens darmes qui devoient aler desdit / pays de Bourgoingne servir en armes mondit seigneur, A / lencontre des adversaires du roy nostreseigneur de madicte dame / et de mondit segineur le duc, Et par accord fait sur ce qui / dit est audit Jehan de Blaisey Pour ce par mandement / de madicte dame Donne A auxonne le xviiie Jour daoust / Lan mil CCCC xxi, Cy rendu avec quictance dudit Jehan de / Blaisey requise par ledit mandement

[f. 85v]

A messire henry valee Conseillier Chevalier et maistre dostel de ma / Dame la duchesse de Bourgoingne la Somme de quarante / frans, A lui payee baillee et delivree, Et laquelle madicte / Dame par ses lettres patentes Donnees le xixe Jour daoust / lan mil quatrecens vint et ung lui a tauxe pour les despens / de lui ses gens et chevaulx pour ung voyaige par lui fait ou / dit mois daoust par le commandement et ordonnance de / madicte dame de la perriere A montbar Pour Illec este / pour Illec estre present Avec pluseurs Des gens du conseil / de mondit seigneur A veoir et recevoir les moustres des / gens darmes qui devoient aler devers mondit seigneur / Ou quel voiage Il a vacque par huit Jours entiers. Pour / lesquelx madicte dame lui a ordonne lesdiz quarante frans / Attendu la feiblesse de la monnoye et la chierte des vivres / Pour ce et rend cy lesdictes lettres veriffiees au doz par Jehan / de noident sur ledit fraignot. Avec quictance dudit messire / henry contenant affirmacion Davoir vacque oudit voiaige / par lesdiz huit jours pour les causes et en la maniere / dessusdiz, escripte au doz desdictes lettres

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s