Archives de la Cote d’Or, B 1611

f. 106v

A perreaul foucault clerc demourant a dijon La Somme / de quarante frans foible monnoye a compter ung franc pour / douze gros, et le gros pour vint deniers tournoiz que ma / dame la Duchesse par ses lettres patentes Donnees / A auxonne le vie Jour doctobre lan mil quatrecens vint / et ung lui a ordonne et tauxe En recompensacion dun sien / cheval quil a affoult en ung voyaige par lui fait ou pays / de charrolois ou mois daoust mil quatrecens vint et ung / pour savoir et enquerir du commis des ennemis et adver/saires de mondit seigneur Pour ce et rend cy lesdictes / lettres de madicte dame veriffiees sur ledit fraignot / avec certifficacion de jehan pucelle receveur de charolois / par laquelle Il certiffie que ledit chevaul a este effoule / oudit voyaige, Et quictance dudit perreaul

f. 110

A huguenin Calot Jadiz varlet de Chambre de ma dame de / pontyevre et a nicole sa femme jadiz norrisse de madame de cleve et / breceresse [sic] de madamoiselle anne de Bourgoingne la somme de deux / cens frans pour don a eulx fait par feu monseigneur le duc Jehan darrierement / trespasse cui dieu pardoint Pour ce par vertu des lettres de mondit / seigneur, Donnees le xxviie Jour davril mil CCCC xii cy rendue / avec autres lettres patentes de monseigneur le duc a presente duc de Bourgoingne / Donnees le xxixe Jour de juing mil CCCC xxii Iteratives desdictes / lettres veriffiees par jehan de noident sur ledit fraignot, et par / quictance desdiz huguenin et nicole iiC frans bonne monnoie de xx / deniers le gros

f. 111

A Jehannot de Tard Barbier demourant a dijon la Somme / de trente frans A lui baillie et delivree par ledit Jehan fraignot par / le commandement et ordonnance de ma dame la duchesse de / Bourgoingne, Et par ses lettres patentes Donnees a la perriere / le Cinquiesme Jour de Juing lan mil quatrecens vint et ung et / lesquelx elle lui a tauxe pour ses peinnes et salaires davoir vacque / environ ung mois en venant de Dijon a rouvre devers ma da/moiselle agnes de Bourgoingne pour le remectre a point son / bras quelle avoit desaloie, et len avoir gary comme pour pluseurs / estoffes a ce neccessaires quil a Delivrees qui pouoient valoir / quinze frans. Ainsi que theibault tristan apothicaire de madicte / dame la rapporte en sa loyaulte et conscience, Et affermant / quil avoit bien gaingnie et desservi lesdiz xxx frans Pour / ce par lesdictes lettres de madicte Dame Cy rendues, avec quictance / dudit Jehannot escripte au doz dicelles

f. 111v

A Jehan dautrey clerc de maistre guillaume le Bois scre/taire de madicte dame la duchesse La Somme de trente trois / frans sept gros a lui paye baillie et delivre par ledit jehan / fraignot par le commandement et ordonnance de madicte / dame et qui deuz lui estoient pour papier parchemin Cire et / ancre qui ont este employez en lettres et mandemens faiz de par / Icelle dame pour les besoingnes et affaires de mondit seigneur / le duc son filz Depuis le xixe Jour du mois davril mil / quatrecens vint et ung Jusques au xe Jour de Juing suigant / Pour ce par mandement de madicte dame Donne a la perriere / le xe Jour de Juing lan que dessus, Cy rendu avec quictance / dudit jehan dautrey requise par ledit mandement

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s