Archives de la Cote d’Or, B 1611

[f. 111v]

A Jehan villain orfevre demourant a Dijon La Somme de / trentecinq frans A lui paie baillie et delivree par le comman/dement et ordonnance de madicte Dame Par ladvis de / messeigneurs les gens des comptes de mondit seigneur a / dijon, et des gens des finances dicellui seigneur qui deue / lui estoit du temps et au vivant de feu monseigneur le duc / cui dieu pardoint par marchie fait a lui pour avoir lors / repareillie et mis a point la nef dargent de madicte dame / qui estoit despecie, Et en icelle avoir mis et employe de son / argent, et fait pluseurs atures choses neccessaires de son / mestier dorfevrerie Pour ce par mandement de ma dicte / dame Donne A la perriere le xxvie Jour de may lan / mil quatrecens vint et ung Cy rendu avec quictance / Dudit Jehan villain Requise par ledit mandement

A maistre Estienne de Sens general maistre des / monnoyes de mondit seigneur la Somme de iiC frans / a lui ordonne et tauxe par madame la duchesse, et par / ses lettres patentes donnees le xix de Juillet m cccc xxi [f. 112] pour et en recompensacion de son cher a iiii chevaulx qui furent / prins de lui ou mois de may m cccc et xx sur lequel fut / mene et conduite par hugotin de beze de dijon a troyes devers / monseigneur certaine quantite de finances laquelle Il avoit mande / a son tresorier lui envoier, lequel cher et chevaulx furent / prins et arrestez audit lieu de troyes par les gens de lescuerie / de mondit seigneur et chargie de pain et de vin pour mener au / siege devant monstereau et de la furent menez devant / melun, ou trois desdiz chevaulx ont este mors et lautre / ramene tout morfondu et plain de faisin, comme par / une certiffiee de Jehan fraignot receveur general de bourgoingne / appart Pour ce paie a lui par vertu desdictes lettres cy rendues / Avec ladicte certifficacion et quictance dudit maistre estienne par laquelle / il quicte mondit seigneur de la perde desdiz cher et chevaulx

f. 112v

A Jehan dautrey clerc de maistre guillaume le bois secretaire / de madicte dame La Somme de Cinquante et ung franc A lui / paiez bailliez et Delivrez par ledit Jehan fraignot par le com/mandement et ordonnance de ma dicte Dame et qui deuz lui / estoient Pour papier parchemin Cire et Ancre qui ont este / employez en lettres et mandemens faiz de par madicte dame pour / les besoingnes et affaires de mondit seigneur Depuis le xe / Jour De juing Lan mil quatrecens vint et ung Jusques au / xie Jour Daoust suigant Pour ce par mandement de ma dicte / Dame Donne A la perriere ledit xie Jour Daoust lan que / dessus, Cy rendu avec quictance dudit Jehan dautrey

A Regnault lobet varlet de chambre et tailleur de robes / de madameLa Duchesse de Bourgoingne La Somme de / trente frans a lui deue de reste pour estoffes par le com/mandement et ordonnance de madicte dame Il a paie et delivre / pour robes et autres habis quil a faiz pour elle et mes damoi/selles ses filles au vivant de feu monseigneur cui dieu pardoint Pour ce / par mandement de madicte dame Donne A la perriere ledit / xxiiie Jour davril Lan mil quatrecens vint et ung apres pasques [f. 113] cy rendu avec quictance dudit regnault requise par ledit mandement

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s