Archives de la Cote d’Or, B 3624

f. 40

A lui sur ce que ledit receveur de Chalon puet et pourra [f. 40v] devoir A monseigneur A Cause de sa recepte de ceste presente annee / et autrement la Somme de six Cens iiiixx I frans ii gros vielz pour / plusieurs parties au jour duy accordees Avec lui En deniers / payez tant A lui mesmes pour plusieurs parties de draps / de laine par lui Bailliez et delivrez pour le fait de la / delivrance de madame de cleves fille de mondit seigneur comme / en autres parties de deniers par lui payez A Plusieurs marchans / et autres pour parties de pelleterie de griz de ix A x tires / et de menu vair Et pour achat de soye Pour faire rubans / lacz et frenges de soye pour madicte dame de cleves / et autrement par lettre de recepte dudit noident faicte le viiie / Jour de may mil iiiiC xv cy rendue

f. 41v

A madame Blanche dapthier vicontesse de murac / A laquelle mondit seigneur de grace especial A donne et octroye / pour une foiz la somme de lx escus En recompensacion / et pour contemplacion des Bons et aggreables services / que le viconte de murac son mary et son frere ont faiz / A mondit seigneur en plusieurs armees et mesmement dair’ en / ses pays de flandres et dartois A lencontre de ses adversaires / pour lesquelz services ledit viconte est prisonnier du Conte / darmignac et en ont perduz tous leurs biens Comme plus / a plain est contenu es lettres patentes de mondit seigneur sur ce faictes / et donnees A dijon le xxvie Jour de mars mil iiiiC xiiii / veriffiees Au doz sur ledit receveur de Chalon par ledit / Jehan de noident receveur general que dessus lesquelles / lettres sont cy rendues Avecques quictance de ladicte / vicontesse

f. 42v

A lui pour semblables despes de lui son varlet et / deux chevaulx faiz en avoir este A dijon par lettres mandatoires / de monseigneur le duc escriptes le iiiie Jour davril apres pasques / mil iiiiC xv Tant pour le fait du departement de madame / de cleves comme pour le fait de la foire froide de Chalon / mil iiiiC xiiii et pour autres causes contenues esdictes lettres / Auquel lieu Il demoura pour Besoingner et Actendre / son expedicion vi Jours comme Il appert par certifficacion / Dudit noident escripte soubz Icelles lettres cy rendues / Et pour ses venue et retour iiii ^iii^ Jours Pour tout x ^viii^ Jours / entiers Audit feur de xii gros par Jour en oultre sesdiz / gaiges ordinaires

f. 43

A lui pour semblable despens fais en avoir este a dijon par / lettres mandatoires de ma dame la duchesse donne a rouvre / le vie Jour doctobre mil cccc xiii pour porter les contreroles / et veoir lestat de sa recepte pour le fait de lappointement / de la despense de madame la duchesse et pour estre retourne / audit rouvre, et appert par certifficacion de Jehan guemot escripte / xvii davril apres pasques cccc xiiii Cy rendue avec / les lettres que dessus Ouquel voiaige Il a vaquel [sic] / comprins ses alee sejour et retour ^iiii^ vi Jours audit pris / de I franc par Jour en oultre ses gaiges ordinaires

f. 56

Audit receveur pour les despens de lui son varlet et deux chevaulx fais en / avoir este A dijon par ordonnance expres de ma dame la duchesse porter les / contrerolle pour veoir et faire lestat de sa recepte pour le fait de lappointement / de la despense de ma dicte dame mais pour cause du departement de madame / qui sen aloit A rouvre il ^ne^ pot lors riens faire sur ledit fait Ains en / fut renvoie pour retourner devers elle audit rouvre au xxviie Jour / davril comme Il appert par certifficacion signee .J. guemot faicte le xviie Jour / dudit mois davril mccccxiiii Cy redue ouquel voyaige Il a / vacque comprins ses venue sejour et retour iiii Jours audit fuer de xii gros / en oultre ses gaiges ordinaires

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s