Archives de la Cote d’Or, B 4235

f. 90

A ma tresredoubtee et souverainne Dame ma Dame / la duchesse de bourgoingne et de brabant La / somme de Douzecens livres du pris de quarante / gros monnoye de flandres la livre en deniers / paier content par ledit chastellain pour elle et / par son acquit et descharge. A noble homme Jaques de villers escuier es chancon de madicte / dame Sur et en deduction de trois mil escuz / Dor Du pris de xlviii gros et monnoye de flandres / la piece. Laquelle somme madicte dame a promis / donner audit Jaques et a Damoiselle guymar / sa femme pour contemplation de leur mariaige / Et appert par lettres de quictance de madicte dame / donnees a lille le darrenier Jour doctobre mil iiiiC / cinquante et quatre. Par lesquelles elle veult / lesdis xiiC livres estre alouees en rendant seulement / lesdictes lettres

f. 90v

A madicte dame La somme de deuxcens livres dudit pris / de xl gros monnoye de flandres la livre En deniers / paiees content parledit chatellain. Audit Jaques / de villers pour et en nom de madicte dame En / ^qui lui a ordonne prendre et avoir chascun an ladicte somme^ deduction et rabat de deux mil escuz dor du / ^chascun an a commencier la premier Jour de Janvier mil cccc liiii^ pris de xlviii gros dicte monnoye que madicte / ^jusques a ce quil soit paie entierement et a une fois de la somme […] / du pris de […] / monnoie dicte […] / dame deue […]^ dame devoit de reste de la somme de trois mil / escuz par elle Donnee tant audit Jaques comme A / Damoiselle guymar sa femme pour contemplacion / de leur mariaige Et ce pour lannee commencant / au premier Jour de Janvier, et qui finira le darrenier / Jour de decembre mil iiiic cinquante et cinq. / Et ainsi que plus a plain est declaire es lettres / patentes de madicte dame Donnees a lille le / darrenier Jour doctobre mil iiiiC cinquante et / quatre. Per lesquelles elle veult lesdictes / iiC livres estre alouuees en rendant / seulement lesdictes lectres

[f. 91]

A madicte dame la somme de troiscens six livres / dixhuit solz du pris de xl gros monnoye de / flandres la livre. En plusseurs et diverses monnoies / cy apres declairees et aux pris qui sensuient Cest/assavoir en quatrevins escuz dor au pris de seze / gros et demi monnoye ^royal^ chascun escu. Six lyons / dor au pris de soixante gros monnoye de flandre / la piece Trois saluz et ung demi noble au pris / de quarante neuf gros et demi dicte monnoye de / flandres la piece. Dixhuit riddres au pris / de cinquante et ung gros dicte monnoie de flandres / la piece. Et huitvins unze florins de rin / au pris de xl gros dicelle monnoye de flandres / chascun florin. Ainsi que plusaplain est declaire / es lettres patentes de madicte dame donnees a / la haye en hollande, le xxviie Jour de fevrier / mil iiiiC cinquante et cinq. Per lesquelles elle / veult lesdis iiiC vi livres et xviii solz dicte monnoie / estre allouuees en rendant seulement lesdictes lettres

f. 111

Audit perrenot bernart chastellain dudit chaulcins / la somme de trante frans monnoie de trante deux gros / monnoye de flandres le franc qui dehue / lui estoit pour ses peinne et salaire destre / aler deiz bourgoingne en flandres par devers / madicte dame et par lordonnance et commandement / delle. Pour besoignier avec elle touchant / le fait des offices des pais que madicte dame / tient en bourgoingne. Ouquel voyaige ledit / chastellain a vacque tant en alant besoignant / que retournant pardeca, lespace de trante / Jours entiers A feur de ung franc par Jour / de xxxii gros monnoie de flandres le franc / Et appert par certiffication signee par madicte / dame, donnee a lille le vie Jour de novembre / mil quatrecens cinquante et quatre cy rendue

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s