Archives de la Cote d’Or, B 1598

[f. 340v]

A Petrequin palefrenier de madame la duchesse la somme de / seze frans, A lui bailliez du commandement et ordonnance de madicte / dame la duchesse, Cestassavoir xii frans pour les houstaulx de / xii valez de lescuierie de madicte dame, et iiii frans pour les houstaulx / de ses iiii lavandieres. Pour ce par mandement de madicte dame / donne viii^e de Novembre iiii^C et xviii. Cy rendu avec quictance / dudit petrequin requise par ledit mandement

A Gillet voullart Corduannier demorant a dijon, la somme de / vint trois frans, qui deuz lui estoient pour pluseurs parties de solliers / deliveres tant pour madicte dame madame de guienne comme / pour autres, les parties desdiz solliers pluaplain declairiez en / ung role de parchemin au dessoubz duquel est escripte une certifficacion / de jehan eschiellote valet de Chambre de madicte dame sur / la delivrance desdiz solliers. Et aussi mandement de madicte / dame la duchesse Donne v^e Jour de Septembre mil iiii^C / et xvi. Pour ce paie audit gillet par ledit mandement / Cy rendu avec quictance dudit gillet

f. 341

A madame katherine Duchesse daucheriche, la somme De / mil cinq cens frans que mondit seigneur lui ordonna avoir et prandre / de lui pour son estat de lannee commencant en Janvier mil iiii^C / et xvii. Pour ce par mandement de mondit seigneur donne xi^e Jour de / Jung mil cccc et xviii, veriffie par Jehan de noident sur ledit / fraignot avec deux quictances dicelle ma dame katherine lune donnee / xxii^e de Juing ccccxx montant a la somme de xii^C iiii^xx x frans / et lautre donnee v de septembre ensuivant montant a ii^C frans

f. 344

A Colin briffaut clerc dudit Jehan fraignot la somme de trente six / frans, que mondit seigneur lui a tauxe pour ses gaiges de xxxvi Jours / commenciez le xiii^e Jour davril mil cccc et xviii, et fenissant le / xix^e Jour de may ensuivant En avoir este dudit dijon a Provins devers / mondit seigneur par lordonnance dudit fraignot, tant pour dire et exposer / audit seigneur certaines choses secretes, qui touchoient le fait de ses finances / comme pour poursur et recouvrer dudit seigneur pluseurs lettres et mandemens / a laquit dudit fraignot au feur dun franc pour unchascun desdiz / Jours, qui valent pour lesdiz xxxvi Jours, ladicte somme de xxxvi / frans Pour ce par lettre et mandement patente de feu mondit seigneur, donne / a troyes le xviii^e Jour daoust mil iiii^C et xix non seelle et par / autres lettres de, madame la duchesse de bourgoingne, donnees xii^e Jour de / Juing mil cccc et vint, Iteratives dudit mandement de feu mondit seigneur / par lesquelles madicte dame mande ladicte somme de xxxvi frans paier / audit Colin. Non obstant, que le dessusdit mandement de mondit seigneur / ne soit seelle, dont elle a releve et relieve ledit colin. Et / par quictance dicellui colin, escripte au doz du mandement de / madicte dame tout cy rendu