Archives de la Cote d’Or, B 5643

f. 23v

A Perrenot fibert et A girart senotier charpentiers pour / avoir faictes deux maingeures A chevaulx toutes / neufves pour la venue de ma dicte dame la Duchesse / de bourgoingne A Pontaillier ou mois dottobre iiii^C xxi et / furent mises es estaubles dudit chastel et pour avoir / fait deux rateaulx A mettre foing pour maingier / les chevaulx et remis a point deux autres maingeu[r]es / et les chenaubles pourtans ycelles et Il avoir vacque / xiiii Journees de nous deux paie A eux comme Il / appert par leurs quictances rendues cy

f. 25v

Pour despense faicte ou chastel de pontaillier par / lordonnance de christien morestin fournier ^fourrier^ de ma dicte dame / la duchesse de bourgoingne pour sa venue audit pontaillier la / premiere sepmaine de septembre lan mil iiii^C xxi

f. 26

Audit Chastellain pour les despens de lui son clerc et / Deux chevaulx fais en alant de pontaillier A rouvre / par mandement de ma dicte Dame la Duchesse ou Ilz / vacquerent tant en alant Demorant comme en / retournant Deux Jours entiers comme Il appert par ledit / mandement et certifficacion de guillaume guespet receveur / general de ma dicte dame rendu cy Pour ce pour / lesdiz deux Jours ^ou mois de fevrier m CCCC xxi^ considere le vivre qui estoit moult / chier ledit mandement et certifficacion randus cy

Audit Chastellain pour les despens de lui son clerc / et son sergent ^quil mena pour lui acompaignier^ faiz en alant des pontaillier A fraigne / saint menier pour Illecques recevoir perrenot doranges / ^que madicte dame y envoia prisonnier par le Bastart … par^ Et le mectre en lordonnance A lui faicte de par madicte / Dame ou quel voyage Ilz vacquerent tant en alant / demourant Illecques pour besoignier sur le fait / comme en retournant audit pontaillier quatre Jours / pour chascun Jour pour la chierte du temps xviii / gros le gros pour ung blanc Et fut par mandement par lettres closes / de madicte dame ^donnees^ le iii^e Jour de Novembre lan mil / iiii^C xxi ledit mandement rendu cy pour ce contenant quil / feist delivrer audit dorenges tout ce qui lui seroit neccessaire pour / son vivre et elle li en feroit faire descharge

Audit chastellain pour les despens de lui son clerc / et deux chevaulx faiz de pontaillier A auxonne ou il / fut le viii^e Jour du mois de novembre iiii^C xxi / ensuigant ou Il fut mande par devers madicte dame / pour elle rapourter lesploit quil avoit fait touchant / ledit doranges ou il vacqua audit auxonne tant / en alant demourant comme en retournant trois Jours [f. 26v] entiers par lordonnance de madicte dame pour certaines causes / pour chascun Jour du varlet et des deux chevaulx vi gros / pour ce pour lesdiz iii Jours xviii gros le gros pour / ung blanc