f. 1
Cest le terrier de la chevance du … / fait a la requeste de frere Jaques … dudit pe… / par moy Anthoine camer clerc Jure notaire de la chancellerie / De bourbonnois par vertus des lettres de comission donnees de monseigneur / le duc de bourbonnois et dauvergne A moy adroissans les[quels] / la teneur senssuit et est tielle, Charles duc de bourbonnois / et dauvergne Conte de clermont de forez et chambarier de / france A Noz ames robert du’e Jehan lapelin anthoine / camer gilbert … chatard vernen et guillaume saligot / Jures notteres de nostre chancellerie de bourbonnois et a chascun / pour soy salut de la partie des religieux prieur et / couvent de chantille(?) Nous a este expose que plusieurs / personnes tant a cause de leurdit prieure comme des / offices dicelluy prieure a cause de pluseurs terres / et heritaiges quilz tiennent et portent deulx leur / doyvent et sont tenus en pluseurs tailles cens / rentes devoirs bles gellines courees(?) mambres et / autres reddevances chescun an Dont Ilz nont aucune / enseignement par escript par deffault duquel / et par la mort et mutacion des tenenciers qui / les ont tenues au temps passe, et aussi par la mort / et mutacion de ceulx qui les tienent a p[rese]nt / et tiendront au temps a venir leursd[is ran]es cens / tailles et heritaiges se pourroient deperdre / diminuer et appetissier se pourveu ne leur estoit [f. 1v] De remede de Justice requerans Icelluy pour ce / est il que considere ce que dit est et Confians a plain / de voz sens loyaultez et preudommez vous mandons / et commectons que par le premier nostre sergant sur ce / requis, lequel nous comectons quant ad ce vous / fectes adjourner par devant vous ou lun de vous / sur lesdiz heritaiges ou aucuns diceulx au plus / pres la ou bon vous semblera au moins de dommaige / par les bonnes gens que fere se porra Tous ceulx / que lesdiz exposans ou leur procureur pour eulx / vous requerront et diront a eulx estre tenus comme / Dit est, et les examines et Interrogues quieulx / heritaiges Ilz tiennent et portent deulx ou Ilz sont / assis et combien Ilz leur endoivent chescun an Et ce / que Ilz confferont par devant vous ou lun de vous / De leurs bonnes et pures volantes a eulx devoir / es causes dessusdictes et chescune dicelles Mectes / en ung livre par maniere de terrier avesques les / confinacions des heritaiges les nons et surnoms / des tenenciers et combien chescun en desura(?) en signant / de voz saings manueulx le confession dun chescun si / comme Il est acoustume a fere en tiel cas Et ledit [f. 2] Livre ou terrier ainsi fait et signe rendes ausdiz / exposans affin de perpetuelle valeur et memoire pourveu / toutesvoyes que vous estes tenus et chargez de / rapourter par escript en la chambre de noz comptez / a molins ce que vous porres savoir de nostre droit /
Middle French Transcriptions 