Archives de la Cote d’Or, B 1623bis

f. 28v

Audit Jehan dautrey La Somme de quatre frans dix gros demi Pour / papier, parchemin, Cire et Ancre quil a despense en faisant lettres et / mandemens pour les besoingnes et affaires de ma dicte dame depuis les v^e jour doctobre darrenier passe jusques au xviii^e jour / de decembre mil CCCC vint deux Comme Il appert par les lettres / patentes de ma dicte dame signees de sa main Donnees a Auxonne le / xviii^e jour de decembre lan dessus dit mil iiii^c xxii Par lesquelles / elle mande aux gens Commis a oyr sesdiz comptes que la dicte Somme / de iiii frans x gros demi Ilz allouent es comptes dudit pierre Par / rapportant lesdictes lettres et quittances dudit Jehan seulement cy Rendues / et mises en la fin des escroes de la despens ordinaire de ma dicte / dame le darrenier jour de decembre iiii^c xxii

Book 3

f. 4

Compte de pierre le Watier Commis a la recepte generale des finances Et a loffice de / la Chambre aux deniers de ma dame la duchesse de bourgoingne des recepte et mises par lui faictes / esdiz offices tant a Cause de la despens ordinaire de ma dicte dame, ensemble de ma dame / de Guienne et de mes damoiselles Anne et agnez de bourgoingne ses trois filles durant le / temps quelles ont este en sa compaignie et a sa despens Comme autrement depuis le premier / jour du mois de janvier lan mil CCCC vint deux jusques au premier jour du mois de fevrier / mil CCCC vint trois inclux ou sont treze mois et ung jour entiers. Et trespassa ma / dicte dame de bourgoingne cui dieu pardoint le dimenche matin xxiii^e jour de janvier lan dessusdit mil / CCCC vint trois. Et par lordonnance et deliberacion de messires des Comptes de monseigneur le duc a / dijon Le dit pierre tient le Compte de la despens de ma dicte damoiselle Agnez du commun / de feue ma dicte dame sa mere depuis le dit xxiii^e jour de janvier CCCC xxiii jusques au dit / premier jour de fevrier ensuit inclux

f. 9-9v

De lui sur ce quil peut et pourra devoir a ma dicte dame a cause de sa / recepte de ceste presente annee commencant le premier jour de janvier darrenier passe / la somme de trante sept livres huit solz neuf deniers tournois En / deniers payez Cestassavoir a pierrenot monstarlot dauxonne C sous qui deu / lui estoit pour pain quil a delivre pour les chiens courans de ma dicte / dame es mois de fevrier, mars, et avril darrenier passant(?) a Robert [f. 9v] barat et hennequin descutigny(?) poullailliers de lostel de ma dicte dame / xiiii livres sur certain argent qui leur a este preste au commencement / de leur service. A robin bacheler varlet desdiz chiens xl sous sur ce qui lui est deu de ses solliers et chausses, a Jehan faginer varlet / diceulx chiens xx sous sur semblable, a Jehan beaupoy dauxonne viii livres / v deniers qui deu lui estoient pour certains despens de gens et chevaux de ma / dame de Roichefort comptez par les escroes de la despens de ma dicte dame / du dit mois davril a regnant rothel(?) escuier de Cuisine dicellui / hostel iiii livres ii sous vi deniers a lui deu pour plusieurs memes parties comptees par lesdits / escroes Et au dit adam pierret lxv sous x deniers pour certains despens sur lui / comptez par ycelles escroes du dit mois davril par lettre de recepte du / dit pierre le watier faicte le xvii^e jour de juing lan dessus dit mil CCCC / vint trois