Archives de la Cote d’Or, B 11915

desdiz paiz de bourbonnois fourez beaujeuloys Chastelchinon et combraille, ausdiz paiz duchie et conte de bourgoigne et de Charroloys, a este commancie et promis par lesdiz conseillers aux noms et prenans en / main comme dessus que le seigneur ou dame qui premier aura voulente de faire guerre a lencontre de lautre partie sera tenuz de le nottiffier et faire savoir par ses lettres patentes seellees de son seel a la partie / contre laquelle len sera en propoux de mouoir ladicte guerre, par avant que a ycelle guerre sois meheu(?) par troys sepmaines contenans vint ung jour ycellui xxi jour incluz a compter lesdictes trois sepmaines du / jour de ladicte nottifficacion Laquelle sera faicte se elle vient du couste de monseigneur le duc de bourgoigne au lieu de molins en la maison de la Chambre des Comptes dudit lieu a la personne des conseillers de ladicte chambre / ou de lun deulx. Et si elle vient du couste de madicte dame de bourbonnois ou de mondit seigneur de bourbon son filz ladicte notifficacion sera faicte au lieu de dijon en la maison de la Chambre des Comptes dudit lieu a la / personne des conseillers de ladicte chambre ou de lun deulx. Et affin que ces Choses soient plus fermes et estables lesdiz conseillers tant dune partie que dautre procureront de leur loyal pouoir ce present traictie estre / agree et rattiffie par leurs seigneurs et dames ou par autres aiens pouoir souffisans desdiz seigneurs et dames a faire ladicte ratifficacion dedans ung moys a compter de la date de ces presentes. Et baillera une Chevalier / desdictes parties a lautre les lettres de laditte rattifficacion dedans ledit temps Et desja et cependent demoureront lesdiz paiz et subjez Lun envers lautre en paix et abstinence de guerre en la maniere et selon / Les Choses dessusdictes Et nest pas lantente desdiz conseillers que par ce present trait aucun desdiz paiz aillent converser les ungs aux autres avecques port darmes par maniere dostilite ne autrement malicieusement / maiz ce bon leur semble ilz pouriont aler demourer converser marchander et faire leur besoignes les ungs avecques les autres. Et es pais des autres paisiblement en leur simple estat et advis coustumiers en / forme de paix Et Affin que ces Choses soient fermes et estables les Chevaliers dessus nommes dun Couste et dautre et le dit bailli dostun ont signees ces presentes lettres de leur seings manuelx. Et lesdiz messeigneurs / detiembles et de Chastel morant les ont seellees de leurs propres seaulx le vie jour de juing Lan de grace mil quatrecens et Quatorze Et estoit signee en marge J. cortiembles, p. de S. ligier h. monjeu / Chastelmorant norry vendat En tesmoing de laquelle vision et letture Nous a la relacion desdiz nottaires ausquelx quant ad ce nous adjoustons plainne foy a cestui present transcript desdictes lettres collacionees / avecques loriginal avons fet mettre Ledit seel de la chancellerie de Bourbonnois le viiie jour du moys de juing Lan mil quatrecens et quatorze. Collacion est faicte avecques loriginal par moy p. tavart / et par moy J. daniel Nous Anne dauphine duchesse de Bourbonnoys Contesse de fourez et dame de beaujeu Certiffions Nous avoir vehu et receu le traictie cy dessus escript fait par nostre ame Cousin / messire Guichart dauphin et noz amez et feaulx Les seigneurs de Chastelmorant et de norry noz conseillers lequel trattie et accord par eulx ainsi fet comme dit est avec tout le contenu en ycelluy no[us?] / louons ratiffions et approuvons Et le promettons tenir et garder de point en point, Sanz le refraindre en aucune maniere. En tesmoing dequelles Choses nous avons fet mettre nostre seel a ces presentes lettres donnees / en nostre Chastel de Cleppe Le second Jour de Juillet Lan de grace mil quatrecens et quatorze

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s